O programa de axuda no fogar defínese como un conxunto de atencións aos cidadáns no seu domicilio, naquelas situacións nas que teñan limitadas a súa autonomía persoal ou nos casos de desintegración familiar. Todo isto se realiza a partir dunha perspectiva integral e normalizada, e o que se pretende é facilitar a permanencia do beneficiario no seu propio entorno de convivencia, evitando deste xeito a súa institucionalización.

Os obxectivos que se pretenden acadar con este programa pódense definir da seguinte forma:

• Favorecer a permanencia das persoas no seu medio habitual de vida sen que diminúa a calidade da mesma por problemas de saúde, incapacidade, inadaptación social, etc.
• Integrar ás persoas e/ou familias na vida comunitaria, estimulando os seus xuros e capacidades, evitando o desarraigamento e a marxinación.
• Evitar formas de institucionalización sempre que sexa posible e conveniente.

Para acadar estes obxectivos é necesario que o servizo inclúa distintos tipos de prestacións entre as que salientan:

• Atencións de carácter doméstico: Alimentación, compra, coidado da roupa, limpeza e mantemento da vivenda.
• Atencións de carácter persoal: Hixiene, compañía, acompañamento a xestións, e apoio á mobilización dentro do fogar.
• Atencións de carácter socio-educativo: Apoio á estruturación familiar, creación e mantemento de hábitos, etc.
• Atencións de carácter técnico e complementario: Teleasistencia domiciliaria e actuacións que poidan resultar necesarias, ben para a posta en funcionamento do servizo, ben para que continúe en situacións idóneas.

As tarefas que se realizan en cada un dos fogares son definidas pola responsable do programa tras coñecer a problemática, valorar a situación e seguir a súa evolución.

O programa neste momento conta con dous auxiliares de axuda a domicilio.

Este programa dispón dun Regulamento propio que foi aprobado polo Pleno da Corporación , en sesión celebrada o día 29 de maio de 1998 e publicado no BOP nº 33 do 10 de febreiro de 1999.

A teleasistencia domiciliaria é un recurso dirixido ás persoas con discapacidade e ás persoas maiores que teñen como obxectivo a calidade de vida dos usuarios permitíndolles permanecer nos seus domicilios.

Con este servizo o usuario atópase atendido as 24 horas mentres permaneza no seu domicilio. A unidade portátil que leva a persoa pode ser accionada en calquera momento, polo que con só apertar o botón , os usuarios saben que alguén vela por eles en todo momento.

A través do fomento da cooperación pretende o Concello de Zas potenciar a participación de persoas e grupos na vida comunitaria fomentando a iniciativa social, a solidariedade, o asociacionismo, así como favorecer a toma de conciencia dos cidadáns sobre os seus problemas.

Xa son varios os anos en que o Concello colabora coa asociación NERIA.

Concretamente para este ano preténdese colaborar con ela para o desenvolvemento do programa de prevención e reinserción de drogodependencias.

Que é a atención temperá?

Entendese a atención temperá como un conxunto de intervencións dirixidas á poboación infantil de 0 a 6 anos.

O seu obxectivo é dar resposta o antes posible ás necesidades transitorias ou permanentes dos nenos e nenas con trastornos no desenvolvemento ou en risco de padecelos. A clave é que canto máis axiña se detecten as posibles dificultades os resultados da atención profesional poden ser mellores.

A quen se dirixe a atención temperá?

O Servizo de Atención Temperá dixísexe aos nenos e nenas de 0 a 6 anos con trastornos no desenvolvemento ou en situación de risco de padecelos, ás familias e ao seu contorno empadroados nos Concellos de Dumbría, Camariñas, Carnota, Cee, Corcubión, Fisterra, Mazaricos, Muxía, Zas e Vimianzo.

Quen pode informar dunha sospeita de trastorno do desenvolvemento dun neno?

As propias familias, as escolas infantís, os servizos sociais comunitarios ou outras instancias que traten co menor e coa familia.

No caso de que a sospeita sexa fóra da familia, debe informarse á mesma para que acudan ao servizo de pediatría.

A onde debo de dirixirme para obter máis información?

• Ao servizo de pediatría que derivará ,no caso de que considere, á unidade de AT.
• Aos servizos sociais dos Concellos de Dumbría, Camariñas, Carnota, Cee, Corcubión, Fisterra, Mazaricos, Muxía, Vimianzo e Zas.
• Ao servizo de orietación do centro educativo no que estea matriculado o neno ou nena
• Ao servizo da agrupación dos concellos anteriormente indicados do Servizo de Atención

Contacto do Servizo de Atención Temperá Costa da Morte

• Pedra Maior, nº 97 O Ézaro – Dumbría (696 55 77 82)
• Fisterre, 12-1º. Vimianzo (669 51 40 76)
• atenciontemprana@satcostadamorte.org