Xa está aquí unha das festas máis agardadas do ano: o entroido. E en Zas temos preparado un programa especial para celebrar con obradoiros, festa, concurso de disfraces e filloas á pedra. Detallámolas todas a continuación:
OBRADOIROS INFANTÍS
Coma sempre, relizaremos un obradoiro infantil os días 12 e 13 de febreiro, aproveitando as vacacións escolares, e co fin de facilitar a conciliación laboral das nosas familias. Será en horario de 11:00 a 13:00 horas e realizarase nos Centros Socioculturais de Zas e de Baio. A asistencia é gratuíta e será necesario anotarse previamente no 981 751 398 ou no 981 718 056.
FESTA DE ENTROIDO
O sábado de entroido, 10 de febreiro, faremos unha festa na que os máis novos da casa serán os protagonistas. Celebraremola no polideportivo municipal de Baio a partir das 17:00 horas e haberá inchables, talleres de maquillaxe, xogos, baile e moita festa coa música que nos poñerá DJ Rokiño. Tamén haberá doces de entroido e cantina a cargo do alumnado de 4º da ESO do IES de Baio para recadar fondos para a excursión de fin de curso.
CONCURSO DE DISFRACES
A programación de Entroido organizada polo Concello de Zas remata o martes, día 13 de febreiro, co tradicional concurso de disfraces no que repartiremos 1.750€ en premios. A festa comezará a partir das 16:00 horas no polideportivo municipal de Zas e haberá tamén inchables, pintacaras, música, cantina e filloas á pedra para todos e todas. A partir das 19:00 horas comeza o concurso de disfraces no que haberá os seguintes premios:
Categoría A (de 0 a 5 anos)
- 1º premio: 150€
- 2º premio: 75€
- 3º premio: 50€
Categoría B (de 6 a 14 anos)
- 1º premio: 150€
- 2º premio: 75€
- 3º premio: 50€
Categoría C (máis de 15 anos)
- 1º premio: 250€
- 2º premio: 150€
- 3º premio: 100€
Grupos (máis de 3 compoñentes)
- 1º premio: 300€
- 2º premio: 200€
- 3º premio: 100€
Tamén haberá o premio especial “Zaschoqueiro” de 100€ ao disfraz máis orixinal e peculiar ataviado de xeito artesanal e estrafalario.
Para participar no concurso de disfraces é necesario anotarse previamente nas dependencias do Concello ou ben o propio día do concurso antes das 18:00 horas no propio polideportivo. As bases do concurso tamén se poden consutar na Sede Electrónica do Concello de Zas a través da seguinte ligazón: https://sede.concellodezas.org/sxc/es/informacion/tablon/2024/ANUNCIO_PROG_20240115090000181.html