IV Mostra de Teatro Afeccionado "Labarta Pose"

Por cuarto ano consecutivo, o Concello de Zas, a través da Concellería de Cultura, organizou a Mostra de Teatro Afeccionado “Labarta Pose” coa que pretende fomentar a cultura nas artes escénicas e, en particular, fomentar o uso do galego. E veu máis forte ca nunca xa que se presentaron ao certamen un total de 43 obras de teatro; un cifra que bate con amplitude a mellor marca de participación de todas as edicións.

Despois de que o xurado visionase as 43 obras de teatro que se presentaron para participar neste certame; publicouse a relación definitiva das cinco obras finalistas así como as tres de reserva. A representación tivo lugar os días 23 e 30 marzo e 6, 13 e 27 de abril cos Auditorios de Zas e de Baio como centros da mostra. 

Na IV Mostra de Teatro representaronse cinco obras de teatro afeccionado para todo tipo de públicos e gustos, xa que houbo musicais, dramas e incluso comedias moi serias. Esta é a lista definitiva das obras finalistas e das reservas: http://concellodezas.org/media/documentos/anuncio_obras_finalistas_e_reservas__IV_Mostra_Teatro_Afeccionado_Labarta_Pose__Concello_de_Zas.pdf

 


Programa

 

A primeira representación foi, 23 de marzo, coa obra de teatro “Insania”, da Agrupación Teatral Mariñán de Betanzos. Esta é unha comedia “moi seria” para maiores de 12 anos que se representará no Auditorio de Zas.

Logo será a quenda de “Bolboretas: A Vinganza”, de Pinchacarneiro Teatro que traen dende Noia esta comedia musical. A representación é o 30 de marzo no  Auditorio de Baio e está dirixida a maiores de 16 anos.

A mostra continuou durante o mes de abril. Así, o día 6, o Auditorio de Baio acolliu a obra de teatro “Chicago”, do Grupo de Teatro Ultreia de Ortigueira. Este é un musical para maiores de 12 anos.

O día 13 de abril tocoulle subir ao escenario ao elenco de Sen Cancelas Teatro, de Santa Comba, que nos trouxo ao Auditorio de Zas o seu drama “2010”. A obra era para maiores de 12 anos.

Gargallada Teatro, de O Barco de Valdeorras, foi a compañía encargada de pechar esta IV Mostra de Teatro o día 27 de abril. Fíxoo coa representación da comedia “O Xogo de Versalles” que tivo lugar no Auditorio de Baio.


Xurado

 

O xurado da IV Mostra de Teatro Afeccionado Labarta Pose formado por:

  • Alberto López Villar, Membro do grupo de Teatro Badius
  • Ricardo Vigueret Gil, Membro do grupo de Teatro Badius
  • Pablo Soto Videla, Membro do grupo de Teatro Badius
  • Fidel Otero Pazos, Técnico de Deportes do Concello de Zas
  • Manuel García Velo, Concelleiro de Cultura do Concello de Zas

Premios

Houbo que agardar ata o 9 de xuño para coñecer aos gañadores desta IV Mostra de Teatro Afeccionado Labarta Pose no marco dun acto no que tamén tivo lugar a clausura da XII Escola Municipal de Teatro Infantil e que se celebrou no Auditorio de Baio.

Unha das principais novidades deste ano foron os premios, xa que ademais de ampliarse a súa cuantía houbo unha nova distribución dos mesmos. En total, repartíronse 3.500 euros xunto cun diploma e cun trofeo conmemorativo do certame e que realizaron os usuarios e usarias de Aspaber

 


Premiados

 

Ainda que a entrega de premios e fixo esperar, non impediu que estivera cargada de emocións. Os membros do xurado coincidiron en sinalar que non o tiveron nada fácil nesta cuarta edición da Mostra de Teatro Afeccionado organizada polo Concello de Zas a través da Concellería de Cultura. Primeiro tiveron a gran labor de seleccionar 5 obras das 43 que se presentaron ao certame. E unha vez que se interpretaron as 5 obras de finalistas tiveron que establecer os premios, que ascendían a 3.500 euros e que quedaron da seguinte maneira:

• Premio á mellor obra elixida polo xurado (900€, trofeo e diploma): “Insania”, da Agrupación Teatral Mariñán

• Premio á segunda mellor obra elixida polo xurado (800€, trofeo e diploma): “Chicago”, do Grupo de Teatro Ultreia

• Premio á terceira mellor obra elixida polo xurado (700€, trofeo e diploma): “O Xogo de Versalles”, de Gargallada Teatro

• Premio á cuarta mellor obra elixida polo xurado (500€, trofeo e diploma): “2010”, de Sen Cancelas Teatro

• Premio á quinta mellor obra elixida polo xurado (400€, trofeo e diploma): “Bolboretas, a vinganza”, de Pinchacarneiro Teatro

• Premio á mellor obra elixida polo público (200€, trofeo e diploma): “2010”, de Sen Cancelas Teatro

• Premio ao mellor actor (trofeo e diploma): Juan J. Váquez, pola súa interpretación na obra “Insania”, da Agrupación Teatral Mariñán

• Premio á mellor actriz (trofeo e diploma): Almudena Martínez Gálvez, pola súa interpretación na obra “Chicago”, do Grupo de Teatro Ultreia.

 

Parabéns a todos e a todas! 

Descargas

Compartir: