O Concello de Zas organiza unha charla informativa para explicar as subvencións do Programa Leader da Costa da Morte, que será impartida por D. José Antonio Vila, xerente do Grupo de Desenvolvemento Rural Costa da Morte.
Esta iniciativa está destinada ao público en xeral, pero principalmente a empresarios/as, agricultores e gandeiros, e persoas emprendedoras. O encontro terá lugar no Centro Sociocultural de Zas o vindeiro xoves, 21 de xaneiro, a partir das 9 da noite.
